تفسير سورة النجم

الترجمة الطاجيكية - عارفي

ترجمة معاني القرآن الكريم للغة الطاجيكية ترجمها من الفارسية وراجعها فريق متخصص مكلف من مركز رواد الترجمة بالشراكة مع موقع دار الإسلام www.islamhouse.com.

﴿بِسْمِ اللَّهِ الرَّحْمَٰنِ الرَّحِيمِ وَالنَّجْمِ إِذَا هَوَىٰ﴾

Савганд ба ситора, он гоҳ ки нопадид шавад

﴿مَا ضَلَّ صَاحِبُكُمْ وَمَا غَوَىٰ﴾

Ки ёри шумо [Муҳаммад] ҳаргиз гумроҳ нашуда ва ба роҳи табоҳе наафтодааст

﴿وَمَا يَنْطِقُ عَنِ الْهَوَىٰ﴾

Ва аз рӯйи ҳавои нафс сухан намегӯяд

﴿إِنْ هُوَ إِلَّا وَحْيٌ يُوحَىٰ﴾

[Ин Қуръон] Ваҳй [-и илоҳӣ] аст, ки [ба ӯ] илқо мешавад. Ин [Қуръон] ҷуз панд барои ҷаҳониён [инсон ва ҷин] нест

﴿عَلَّمَهُ شَدِيدُ الْقُوَىٰ﴾

[Ҷабраил, ки фариштае аст] Пуртавон таълимаш додааст

﴿ذُو مِرَّةٍ فَاسْتَوَىٰ﴾

[Ҳамон фариштаи] Хушманзаре, ки [бо чеҳраи ҳақиқиаш дар баробари Паёмбар] истод

﴿وَهُوَ بِالْأُفُقِ الْأَعْلَىٰ﴾

Дар ҳоле ки ӯ дар уфуқи боло [дар осмон] қарор дошт

﴿ثُمَّ دَنَا فَتَدَلَّىٰ﴾

Сипас [Ҷабраил] наздик шуд; ва наздиктар

﴿فَكَانَ قَابَ قَوْسَيْنِ أَوْ أَدْنَىٰ﴾

Пас, [фосилаи ӯ бо Паёмбар] ба андозаи тӯли ду камон камтар буд

﴿فَأَوْحَىٰ إِلَىٰ عَبْدِهِ مَا أَوْحَىٰ﴾

Он гоҳ [он фариштаи бузургвор] он чиро, ки бояд ба бандаи Аллоҳ таоло ваҳй мекард, ваҳй намуд

﴿مَا كَذَبَ الْفُؤَادُ مَا رَأَىٰ﴾

Он чиро, ки [паёмбар] дид, қалбаш дурӯғ напиндошт

﴿أَفَتُمَارُونَهُ عَلَىٰ مَا يَرَىٰ﴾

Оё бо ӯ дар бораи он чи мебинад, муҷодала мекунед?

﴿وَلَقَدْ رَآهُ نَزْلَةً أُخْرَىٰ﴾

Дар ҳақиқат, паёмбар як бори дигар низ он фариштаро [ба сурати комил] мушоҳида карда буд

﴿عِنْدَ سِدْرَةِ الْمُنْتَهَىٰ﴾

Дар канори [дарахти бузург] «Сидрату-л-мунтаҳо» [дар осмони ҳафтум]

﴿عِنْدَهَا جَنَّةُ الْمَأْوَىٰ﴾

ки оромишгоҳи биҳишт ҳамон ҷост

﴿إِذْ يَغْشَى السِّدْرَةَ مَا يَغْشَىٰ﴾

Он гоҳ ки ҳолате он дарахтро пӯшонида буд

﴿مَا زَاغَ الْبَصَرُ وَمَا طَغَىٰ﴾

Чашми [паёмбар ба чапу рост] мунҳариф нашуд ва [аз ҳад] таҷовуз накард

﴿لَقَدْ رَأَىٰ مِنْ آيَاتِ رَبِّهِ الْكُبْرَىٰ﴾

Ба ростӣ, ки ӯ бархе аз бузургтарин нишонаҳои Парвардигорашро [дар он ҷо] мушоҳида кард

﴿أَفَرَأَيْتُمُ اللَّاتَ وَالْعُزَّىٰ﴾

[Эй мушрикон] Оё «Лот»-у «Уззо»-ро дидаед?

﴿وَمَنَاةَ الثَّالِثَةَ الْأُخْرَىٰ﴾

Ва «Маннот» он савумин [бути беарзиш]-ро? [Оё ҳеҷ суду зиёне ба шумо мерасонанд?]

﴿أَلَكُمُ الذَّكَرُ وَلَهُ الْأُنْثَىٰ﴾

Оё [иддао мекунед, ки] фарзанди писар барои шумост ва духтар барои Аллоҳ таоло?

﴿تِلْكَ إِذًا قِسْمَةٌ ضِيزَىٰ﴾

Дар ин сурат, тақсиме ноодилона аст

﴿إِنْ هِيَ إِلَّا أَسْمَاءٌ سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ ۚ إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ ۖ وَلَقَدْ جَاءَهُمْ مِنْ رَبِّهِمُ الْهُدَىٰ﴾

Ин бутҳо фақат исмҳое [бемаъно] ҳастанд, ки худ ва падаронатон бо онҳо [маъбудҳои дурӯғини худро] ном ниҳодаед ва Аллоҳ таоло ҳеҷ далеле [бар ҳаққонияти ин кор] нозил накардааст. [Мушрикон дар эътиқодоташон] Фақат пайрави гумону хостаҳои дили хешанд; ҳол он ки [муҷиботи] ҳидоят аз ҷониби Парвардигорашон бар онон расидааст

﴿أَمْ لِلْإِنْسَانِ مَا تَمَنَّىٰ﴾

Оё инсон ҳар чи [аз шафоати ин маъбудони ботил] орзу кунад, барояш муяссар аст?

﴿فَلِلَّهِ الْآخِرَةُ وَالْأُولَىٰ﴾

Дунё ва охират аз они Аллоҳ аст [ва ба ҳар кас, ҳар чиро салоҳ бидонад мебахшад]

﴿۞ وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَىٰ﴾

Чи бисёр фариштагоне, ки дар осмонҳо ҳастанд, ки шафоаташон ба ҳеҷ ваҷҳ судманд нахоҳад буд; магар пас аз он ки Аллоҳ таоло барои ҳар ки бихоҳад ва хушнуд бошад, иҷозат диҳад

﴿إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنْثَىٰ﴾

Касоне, ки ба охират бовар надоранд, бар фариштагони илоҳӣ номи духтар мегузоранд [ва ононро духтарони Аллоҳ таоло медонанд]

﴿وَمَا لَهُمْ بِهِ مِنْ عِلْمٍ ۖ إِنْ يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا﴾

Онон дар мавриди ин амр [комилан] беиттилоанд [ва] фақат аз ҳадсу гумон пайравӣ мекунанд; дар ҳоле ки барои [шинохти] ҳақиқат гумон кофӣ нест

﴿فَأَعْرِضْ عَنْ مَنْ تَوَلَّىٰ عَنْ ذِكْرِنَا وَلَمْ يُرِدْ إِلَّا الْحَيَاةَ الدُّنْيَا﴾

Пас, [эй Паёмбар] ту низ аз касе, ки аз ёди Мо рӯй гардонида ва фақат [лаззатҳои] зиндагии дунёро мехоҳад, рӯй бартоб

﴿ذَٰلِكَ مَبْلَغُهُمْ مِنَ الْعِلْمِ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِمَنِ اهْتَدَىٰ﴾

Ниҳояти дарку фаҳмашон ҳамин аст. Бе тардид, Парвардигорат ба ҳоли касоне, ки аз роҳи Ӯ мунҳариф шудаанд огоҳтар аст; ва низ ба ҳоли роҳёфтагон

﴿وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى﴾

Ҳар чи дар осмонҳо ва замин аст, аз они Аллоҳ таоло аст, [роҳи хайру шарро ба инсон ироа кард] то бадкоронро дар баробари рафторашон кайфар диҳад ва накукоронро [бо неъматҳои биҳишт] подоши наку ато намояд

﴿الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ ۚ إِنَّ رَبَّكَ وَاسِعُ الْمَغْفِرَةِ ۚ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ ۖ فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ﴾

Ҳамон касоне, ки аз гуноҳони кабира ва корҳои зишту бешармона дурӣ мекунанд; магар лағжишҳои камаҳамият [ва гуноҳони сағира, ки бо тавба ва ибодат бахшида мешаванд], ки омурзиши Парвардигорат густурда аст; аз ҳамон дам, ки шуморо аз замин падид овард ва он гоҳ ки ба сурати ҷанин дар шиками модаронатон будед, ба [табиати] шумо огоҳтар [аз худатон] аст; пас, худситоӣ накунед, ки Ӯ ба ҳоли парҳезкорон донотар аст

﴿أَفَرَأَيْتَ الَّذِي تَوَلَّىٰ﴾

Оё он касеро, ки [аз ҳақ] рӯй бартофт, дидаӣ?

﴿وَأَعْطَىٰ قَلِيلًا وَأَكْدَىٰ﴾

Ва андаке инфоқ кард ва [сипас] худдорӣ намуд

﴿أَعِنْدَهُ عِلْمُ الْغَيْبِ فَهُوَ يَرَىٰ﴾

Оё илми ғайб дорад ва [ояндаро] мебинад?

﴿أَمْ لَمْ يُنَبَّأْ بِمَا فِي صُحُفِ مُوسَىٰ﴾

Оё бохабар нашудааст аз матолиби китоби осмонии Мӯсо

﴿وَإِبْرَاهِيمَ الَّذِي وَفَّىٰ﴾

ва [таълимоти] Иброҳим, ки ҳаққи [рисолат ва бандагии Мо]-ро ба тамомӣ адо кард?

﴿أَلَّا تَزِرُ وَازِرَةٌ وِزْرَ أُخْرَىٰ﴾

Ки ҳеҷ гунаҳгоре бори гуноҳи дигареро бар дӯш нахоҳад кашид

﴿وَأَنْ لَيْسَ لِلْإِنْسَانِ إِلَّا مَا سَعَىٰ﴾

Ва ин ки инсон фақат самараи талош [-у нияти] худро хоҳад дошт

﴿وَأَنَّ سَعْيَهُ سَوْفَ يُرَىٰ﴾

Ва ин ки бе гумон талоши ӯ [дар муҳосибаи аъмолаш дар рӯзи қиёмат] манзур хоҳад шуд

﴿ثُمَّ يُجْزَاهُ الْجَزَاءَ الْأَوْفَىٰ﴾

Он гоҳ подошашро ба тамомӣ хоҳанд дод

﴿وَأَنَّ إِلَىٰ رَبِّكَ الْمُنْتَهَىٰ﴾

Ва ин ки бозгашт [-и ҳамаи умур] ба сӯйи Парвардигори туст

﴿وَأَنَّهُ هُوَ أَضْحَكَ وَأَبْكَىٰ﴾

Ва Ӯст, ки механдонад ва мегирёнад

﴿وَأَنَّهُ هُوَ أَمَاتَ وَأَحْيَا﴾

Ва Ӯст, ки мемиронад ва [дар охират] зинда мекунад

﴿وَأَنَّهُ خَلَقَ الزَّوْجَيْنِ الذَّكَرَ وَالْأُنْثَىٰ﴾

Ва ҳам Ӯст, ки завҷи нару модаро меофарад,

﴿مِنْ نُطْفَةٍ إِذَا تُمْنَىٰ﴾

аз нутфае, ки [дар раҳим] рехта мешавад

﴿وَأَنَّ عَلَيْهِ النَّشْأَةَ الْأُخْرَىٰ﴾

ва падид овардани дубораи онҳо [дар қиёмат низ бар уҳдаи] Аллоҳ таоло аст

﴿وَأَنَّهُ هُوَ أَغْنَىٰ وَأَقْنَىٰ﴾

Ва Ӯст, ки [шуморо] бениёз мекунад ва сармоя мебахшад

﴿وَأَنَّهُ هُوَ رَبُّ الشِّعْرَىٰ﴾

Ва Ӯст, ки Парвардигори [ситораи] «Шиъро» аст

﴿وَأَنَّهُ أَهْلَكَ عَادًا الْأُولَىٰ﴾

Ва Ӯст, ки қавми Одро дар гузашта ҳалок кард

﴿وَثَمُودَ فَمَا أَبْقَىٰ﴾

Ва қавми Самудро [низ нобуд кард] ва [ҳеҷ як аз ононро] боқӣ нагузошт

﴿وَقَوْمَ نُوحٍ مِنْ قَبْلُ ۖ إِنَّهُمْ كَانُوا هُمْ أَظْلَمَ وَأَطْغَىٰ﴾

Ва қавми Нуҳро, ки ситамгортар ва саркаштар буданд, пеш аз он [ҳалок намуд]

﴿وَالْمُؤْتَفِكَةَ أَهْوَىٰ﴾

Ва шаҳрҳои зерурӯшуда [-и қавми Лут]-ро дар ҳам кӯбид

﴿فَغَشَّاهَا مَا غَشَّىٰ﴾

Ва ононро [бо азобе фарогир] – чунон ки бояд пӯшонид

﴿فَبِأَيِّ آلَاءِ رَبِّكَ تَتَمَارَىٰ﴾

Ҳол [эй инсон] дар мавриди кадом як аз неъматҳои Парвардигорат тардид раво медорӣ [ва муҷодала мекунӣ]?

﴿هَٰذَا نَذِيرٌ مِنَ النُّذُرِ الْأُولَىٰ﴾

Ин [паёмбар низ] ҳушдордиҳандаест аз [гурӯҳи] ҳушдордиҳандагони пешин

﴿أَزِفَتِ الْآزِفَةُ﴾

Қиёмат наздик мешавад

﴿لَيْسَ لَهَا مِنْ دُونِ اللَّهِ كَاشِفَةٌ﴾

Ва ҳеҷ кас – ҷуз Аллоҳ таоло – наметавонад ошкораш кунад [ва сахтиҳояшро бартараф созад]

﴿أَفَمِنْ هَٰذَا الْحَدِيثِ تَعْجَبُونَ﴾

[Эй мушрикон] Оё аз ин сухан дар шигифтед?

﴿وَتَضْحَكُونَ وَلَا تَبْكُونَ﴾

Ва дар ҳоли ғафлат ва ғурур [ба оёти Қуръон] механдед ва [аз шунидани ҳушдорҳояш наметарсед ва] ашк намерезед?

﴿وَأَنْتُمْ سَامِدُونَ﴾

Ва шумо бозикунандагонед

﴿فَاسْجُدُوا لِلَّهِ وَاعْبُدُوا ۩﴾

Пас, [ҳамагӣ] барои Аллоҳ таоло саҷда кунед ва [танҳо] Ӯро бипарастед

النجم