تفسير سورة عبس

الترجمة اليورباوية

ترجمة معاني القرآن الكريم للغة اليوربا ترجمها الشيخ أبو رحيمة ميكائيل أيكوييني عام الطبعة 1432هـ .

﴿بِسْمِ اللَّهِ الرَّحْمَٰنِ الرَّحِيمِ عَبَسَ وَتَوَلَّىٰ﴾

(Ànábì s.a.w.) fajú ro, ó sì pẹ̀yìn dà

﴿أَنْ جَاءَهُ الْأَعْمَىٰ﴾

nítorí pé afọ́jú wá bá a.

﴿وَمَا يُدْرِيكَ لَعَلَّهُ يَزَّكَّىٰ﴾

Kí sì l’ó máa fi mọ̀ ọ́ pé ó ṣeé ṣe kí ó ṣàfọ̀mọ́ (ara rẹ̀ kúrò nínú àìgbàgbọ́)

﴿أَوْ يَذَّكَّرُ فَتَنْفَعَهُ الذِّكْرَىٰ﴾

tàbí kí ó gbọ́ ìrántí, kí ìrántí náà sì ṣe é ní àǹfààní?

﴿أَمَّا مَنِ اسْتَغْنَىٰ﴾

Ní ti ẹni tí ó ka ara rẹ̀ kún ọlọ́rọ̀,

﴿فَأَنْتَ لَهُ تَصَدَّىٰ﴾

òun ni ìwọ tẹ́tí sí.

﴿وَمَا عَلَيْكَ أَلَّا يَزَّكَّىٰ﴾

Kò sì sí ẹ̀ṣẹ̀ fún ọ bí kò bá ṣe àfọ̀mọ́ (ara rẹ̀ kúrò nínú àìgbàgbọ́).

﴿وَأَمَّا مَنْ جَاءَكَ يَسْعَىٰ﴾

Ní ti ẹni tí ó sì wá bá ọ, t’ó ń yára gágá (sí ìrántí, ìyẹn afọ́jú),

﴿وَهُوَ يَخْشَىٰ﴾

tí ó sì ń páyà (Allāhu),

﴿فَأَنْتَ عَنْهُ تَلَهَّىٰ﴾

ìwọ kò sì kọbi ara sí i.

﴿كَلَّا إِنَّهَا تَذْكِرَةٌ﴾

Rárá (kò tọ́ bẹ́ẹ̀). Dájúdájú al-Ƙur’ān ni ìrántí.

﴿فَمَنْ شَاءَ ذَكَرَهُ﴾

Nítorí náà, ẹni tí ó bá fẹ́ kí ó rántí rẹ̀.

﴿فِي صُحُفٍ مُكَرَّمَةٍ﴾

(Al-Ƙur’ān) wà nínú àwọn tàkádà alápọ̀n-ọ́nlé,

﴿مَرْفُوعَةٍ مُطَهَّرَةٍ﴾

A gbé e ga, A sì ṣe é ní mímọ́

﴿بِأَيْدِي سَفَرَةٍ﴾

ní ọwọ́ àwọn òǹkọtíà (ìyẹn, àwọn mọlāika),

﴿كِرَامٍ بَرَرَةٍ﴾

àwọn alápọ̀n-ọ́nlé, àwọn ẹni rere.

﴿قُتِلَ الْإِنْسَانُ مَا أَكْفَرَهُ﴾

Wọ́n ti fi ènìyàn gégùn-ún (nípa) bí ó ṣe jẹ́ aláìmoore jùlọ!

﴿مِنْ أَيِّ شَيْءٍ خَلَقَهُ﴾

Kí sì ni Allāhu fi ṣẹ̀dá rẹ̀?

﴿مِنْ نُطْفَةٍ خَلَقَهُ فَقَدَّرَهُ﴾

Nínú àtọ̀ l’Ó ti ṣẹ̀dá rẹ̀. Ó sì pèbùbù (ẹ̀yà-ara) rẹ̀.

﴿ثُمَّ السَّبِيلَ يَسَّرَهُ﴾

Lẹ́yìn náà, Ó ṣe ọ̀nà àtiwáyé ní ìrọ̀rùn fún un.

﴿ثُمَّ أَمَاتَهُ فَأَقْبَرَهُ﴾

Lẹ́yìn náà, Ó máa pa á. Ó sì máa fi sínú sàréè.

﴿ثُمَّ إِذَا شَاءَ أَنْشَرَهُ﴾

Lẹ́yìn náà, nígbà tí Allāhu bá fẹ́, Ó máa gbé e dìde.

﴿كَلَّا لَمَّا يَقْضِ مَا أَمَرَهُ﴾

Ẹ gbọ́, ènìyàn kò tí ì ṣe n̄ǹkan tí Allāhu pa láṣẹ fún un.

﴿فَلْيَنْظُرِ الْإِنْسَانُ إِلَىٰ طَعَامِهِ﴾

Nítorí náà, kí ènìyàn wòye sí oúnjẹ rẹ̀.

﴿أَنَّا صَبَبْنَا الْمَاءَ صَبًّا﴾

Dájúdájú Àwa ń rọ òjò ní púpọ̀.

﴿ثُمَّ شَقَقْنَا الْأَرْضَ شَقًّا﴾

Lẹ́yìn náà, A mú ilẹ̀ sán kànkàn.

﴿فَأَنْبَتْنَا فِيهَا حَبًّا﴾

A sì mú kóró èso hù jáde láti inú rẹ̀;

﴿وَعِنَبًا وَقَضْبًا﴾

àti èso àjàrà àti kànnáfùrù,

﴿وَزَيْتُونًا وَنَخْلًا﴾

àti igi òróró Zaetūn àti dàbínù,

﴿وَحَدَائِقَ غُلْبًا﴾

àti àwọn ọgbà t’ó kún fún igi,

﴿وَفَاكِهَةً وَأَبًّا﴾

àti àwọn èso (mìíràn) pẹ̀lú ewé tí ẹranko ń jẹ, (A mú wọn hù jáde).

﴿مَتَاعًا لَكُمْ وَلِأَنْعَامِكُمْ﴾

(Wọ́n jẹ́ n̄ǹkan) ìgbádùn fún ẹ̀yin àti àwọn ẹran-ọ̀sìn yín.

﴿فَإِذَا جَاءَتِ الصَّاخَّةُ﴾

Nígbà tí fífọn sínú ìwo nígbà kejì bá ṣẹlẹ̀,

﴿يَوْمَ يَفِرُّ الْمَرْءُ مِنْ أَخِيهِ﴾

ní ọjọ́ tí ènìyàn yóò sá fún arákùnrin rẹ̀,

﴿وَأُمِّهِ وَأَبِيهِ﴾

àti ìyá rẹ̀ pẹ̀lú bàbá rẹ̀,

﴿وَصَاحِبَتِهِ وَبَنِيهِ﴾

àti ìyàwó rẹ̀ pẹ̀lú àwọn ọmọ rẹ̀.

﴿لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ﴾

Ẹnì kọ̀ọ̀kan wọn ní ọjọ́ yẹn l’ó ti ní ọ̀ràn t’ó máa tó o ó rán.

﴿وُجُوهٌ يَوْمَئِذٍ مُسْفِرَةٌ﴾

Àwọn ojú kan lọ́jọ́ yẹn yóò mọ́lẹ̀.

﴿ضَاحِكَةٌ مُسْتَبْشِرَةٌ﴾

Wọn yó máa rẹ́rìn-ín, wọn yó sì máa dunnú.

﴿وَوُجُوهٌ يَوْمَئِذٍ عَلَيْهَا غَبَرَةٌ﴾

Àwọn ojú kan lọ́jọ́ yẹn ni eruku yó sì bò mọ́lẹ̀.

﴿تَرْهَقُهَا قَتَرَةٌ﴾

Òkùnkùn yó sì bò wọ́n mọ́lẹ̀.

﴿أُولَٰئِكَ هُمُ الْكَفَرَةُ الْفَجَرَةُ﴾

Àwọn wọ̀nyẹn, àwọn ni aláìgbàgbọ́, ẹlẹ́ṣẹ̀.

عبس