تفسير سورة المطفّفين

الترجمة الأوزبكية - علاء الدين منصور

ترجمة معاني القرآن الكريم للغة الأوزبكية ترجمها علاء الدين منصور. عام الطبعة 1430هـ، ملاحظة: ترجمات بعض الآيات (مشار إليها) تم تصويبها بمعرفة مركز رواد الترجمة، مع إتاحة الاطلاع على الترجمة الأصلية لغرض إبداء الرأي والتقييم والتطوير المستمر.

﴿بِسْمِ اللَّهِ الرَّحْمَٰنِ الرَّحِيمِ وَيْلٌ لِلْمُطَفِّفِينَ﴾

1. (Ўлчов ва тарозидан) уриб қолгувчи кимсаларга ҳалокат бўлгай!

﴿الَّذِينَ إِذَا اكْتَالُوا عَلَى النَّاسِ يَسْتَوْفُونَ﴾

2. Улар одамлардан (бирон нарсани) ўлчаб олган вақтларида тўла қилиб оладиган,

﴿وَإِذَا كَالُوهُمْ أَوْ وَزَنُوهُمْ يُخْسِرُونَ﴾

3. уларга ўлчаб ёки тортиб берган вақтларида эса кам қилиб берадиган кимсалардир.

﴿أَلَا يَظُنُّ أُولَٰئِكَ أَنَّهُمْ مَبْعُوثُونَ﴾

4. Улар ўзларининг қайта тирилгувчи эканликларини ўйламайдиларми?!

﴿لِيَوْمٍ عَظِيمٍ﴾

5. Улуғ бир Кунда —

﴿يَوْمَ يَقُومُ النَّاسُ لِرَبِّ الْعَالَمِينَ﴾

6. — Барча одамлар бутун оламлар Парвардигори ҳузурида тик туриб (ҳисоб-китоб берадиган Қиёмат) Кунида (қайта тирилгувчи эканликларини ўйламайдиларми?!)

﴿كَلَّا إِنَّ كِتَابَ الْفُجَّارِ لَفِي سِجِّينٍ﴾

7. Йўқ, (бировларнинг ҳақларидан уриб қолишдан ҳазар қилинглар)! Чунки (бундай) фисқ-фужур қилгувчи кимсаларнинг номаи аъмоллари албатта Сижжийнда бўлур!

﴿وَمَا أَدْرَاكَ مَا سِجِّينٌ﴾

8. (Эй Муҳаммад алайҳис-салоту вас-салом), сиз Сижжийн нима эканини қаердан ҳам билурсиз?

﴿كِتَابٌ مَرْقُومٌ﴾

9. (У) битилган китобдир.

﴿وَيْلٌ يَوْمَئِذٍ لِلْمُكَذِّبِينَ﴾

10. У Кунда ёлғон дегувчиларга ҳалокат бўлгай!

﴿الَّذِينَ يُكَذِّبُونَ بِيَوْمِ الدِّينِ﴾

11. Улар жазо (Қиёмат) Кунини ёлғон дейдиган кимсалардир!

﴿وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ﴾

12. У (Кун)ни фақат барча гуноҳга ботган тажовузкоргина ёлғон дер!

﴿إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ﴾

13. Қачон (ундай кимсага) Бизнинг оятларимиз тиловат қилинса, у: «(Бу) аввалгилардан (қолган) афсоналар», дер.

﴿كَلَّا ۖ بَلْ ۜ رَانَ عَلَىٰ قُلُوبِهِمْ مَا كَانُوا يَكْسِبُونَ﴾

14. Йўқ, (ундоқ эмас)! Балки уларнинг дилларини ўзлари касб қилгувчи бўлган гуноҳлари қоплаб олгандир!

﴿كَلَّا إِنَّهُمْ عَنْ رَبِّهِمْ يَوْمَئِذٍ لَمَحْجُوبُونَ﴾

15. Ҳеч шак-шубҳа йўқки, улар ўша (Қиёмат) Кунида Парвардигорларидан тўсилгувчидирлар. (яъни, Парвардигорнинг дийдорига етиш уларга ҳеч насиб қилмагай)!

﴿ثُمَّ إِنَّهُمْ لَصَالُو الْجَحِيمِ﴾

16. Сўнгра шак-шубҳасиз, улар дўзахга киргувчидирлар.

﴿ثُمَّ يُقَالُ هَٰذَا الَّذِي كُنْتُمْ بِهِ تُكَذِّبُونَ﴾

17. Сўнгра (уларга): «Мана шу сизлар ёлғон деб юрган нарса — азобдир», дейилур.

﴿كَلَّا إِنَّ كِتَابَ الْأَبْرَارِ لَفِي عِلِّيِّينَ﴾

18. Дарҳақиқат, яхшиларнинг номаи аъмоллари шак-шубҳасиз, Иллийюндадир.

﴿وَمَا أَدْرَاكَ مَا عِلِّيُّونَ﴾

19. (Эй Муҳаммад алайҳис-салоту вас-салом), сиз Иллийюн нима эканини қаердан ҳам билурсиз.

﴿كِتَابٌ مَرْقُومٌ﴾

20. (У) битилган китобдирки,

﴿يَشْهَدُهُ الْمُقَرَّبُونَ﴾

21. Унга (Аллоҳнинг) яқин (фаришта)лари гувоҳ бўлурлар.

﴿إِنَّ الْأَبْرَارَ لَفِي نَعِيمٍ﴾

22. Шак-шубҳасиз, яхшилар (яъни, мўминлар жаннат) неъматларидадирлар.

﴿عَلَى الْأَرَائِكِ يَنْظُرُونَ﴾

23. Улар сўриларда (Аллоҳ таоло ўзларига ато этган неъматларга) боқиб (ўтирурлар).

﴿تَعْرِفُ فِي وُجُوهِهِمْ نَضْرَةَ النَّعِيمِ﴾

24. Сиз уларнинг юзларида неъматларнинг жилвасини танирсиз — кўрурсиз.

﴿يُسْقَوْنَ مِنْ رَحِيقٍ مَخْتُومٍ﴾

25. Улар (жаннатда) муҳрланган майдан суғорилурларки,

﴿خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ﴾

26. У (май)нинг муҳри мушк бўлур. Бас, баҳслашгувчи кишилар (мана шундай мангу неъматга етиш йўлида) баслашсинлар.

﴿وَمِزَاجُهُ مِنْ تَسْنِيمٍ﴾

27. У майнинг мизожи — аралашмаси таснимдандир.

﴿عَيْنًا يَشْرَبُ بِهَا الْمُقَرَّبُونَ﴾

28. (Тасним Аллоҳнинг) яқин (банда)лари ичадиган бир чашмадир.

﴿إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ﴾

29. Дарвоқеъ, жинояткор — кофир кимсалар иймон келтирган зотлардан (масхара қилиб) кулгувчи бўлдилар.

﴿وَإِذَا مَرُّوا بِهِمْ يَتَغَامَزُونَ﴾

30. Қачон (мўминлар) уларнинг олдидан ўтсалар, улар бир-бирларига кўз қисишиб, имо-ишоралар қилардилар.

﴿وَإِذَا انْقَلَبُوا إِلَىٰ أَهْلِهِمُ انْقَلَبُوا فَكِهِينَ﴾

31. Қачон уйларига қайтсалар (мўминларни масхара қилиб озор берганларидан) роҳатланиб қайтардилар.

﴿وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ﴾

32. Қачон (мўминларни) кўрсалар, «Ана улар шак-шубҳасиз, йўлдан озгувчи кимсалардир», дердилар.

﴿وَمَا أُرْسِلُوا عَلَيْهِمْ حَافِظِينَ﴾

33. Ҳолбуки, улар (мўминларнинг) устига қўриқчи қилиб юборилган эмасдилар.

﴿فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ﴾

34. Энди бу (Қиёмат) Кунида иймон келтирган зотлар кофирлардан кулурлар.

﴿عَلَى الْأَرَائِكِ يَنْظُرُونَ﴾

35. Улар (жаннатдаги) сўриларда (кофирларнинг азобланишига) боқиб (ўтирурлар).

﴿هَلْ ثُوِّبَ الْكُفَّارُ مَا كَانُوا يَفْعَلُونَ﴾

36. Кофирлар ўзлари қилиб ўтган қилмишларининг жазосини олдиларми? (Албатта олдилар).

المطفّفين