تفسير سورة الإنفطار

الترجمة الأوزبكية - علاء الدين منصور

ترجمة معاني القرآن الكريم للغة الأوزبكية ترجمها علاء الدين منصور. عام الطبعة 1430هـ، ملاحظة: ترجمات بعض الآيات (مشار إليها) تم تصويبها بمعرفة مركز رواد الترجمة، مع إتاحة الاطلاع على الترجمة الأصلية لغرض إبداء الرأي والتقييم والتطوير المستمر.

﴿بِسْمِ اللَّهِ الرَّحْمَٰنِ الرَّحِيمِ إِذَا السَّمَاءُ انْفَطَرَتْ﴾

1. Осмон ёрилганида;

﴿وَإِذَا الْكَوَاكِبُ انْتَثَرَتْ﴾

2. Юлдузлар (ҳар томонга) сочилганида;

﴿وَإِذَا الْبِحَارُ فُجِّرَتْ﴾

3. Дарё-денгизлар (ўртасидаги тўсиқ-тўғонлар) очилганида;

﴿وَإِذَا الْقُبُورُ بُعْثِرَتْ﴾

4. Қабрлар тўнкариб қўйилганида (яъни, уларнинг ичидаги инсонларга жон ато этилиб Ер юзига чиқарилганларида);

﴿عَلِمَتْ نَفْسٌ مَا قَدَّمَتْ وَأَخَّرَتْ﴾

5. (Ана ўша Кунда ҳар бир) жон ўзи (ҳаёти дунёдалик чоғида) қилиб ўтган ва (ўзидан кейин) қолдирган (барча) нарсаларни (яъни, яхши-ёмон амалларини) билур!

﴿يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ﴾

6. Эй инсон, нима сени улуғ Парвардигоринг ҳақида (Унга ибодат қилмасанг ҳам бўлаверади, деб) алдаб қўйди?!

﴿الَّذِي خَلَقَكَ فَسَوَّاكَ فَعَدَلَكَ﴾

7. У сени яратиб, сўнг (барча аъзоларингни) тиклаб, сўнг (қоматингни ҳам) расо қилиб, қўйган Зот-ку!

﴿فِي أَيِّ صُورَةٍ مَا شَاءَ رَكَّبَكَ﴾

8. У сени Ўзи қай суратни хоҳлаган бўлса, (ўша сурат — шаклда) таркиб топтирди — ижод қилди-ку!

﴿كَلَّا بَلْ تُكَذِّبُونَ بِالدِّينِ﴾

9.
Йўқ, балки сизлар жазо (Қиёмат Кунини) ёлғон дерсизлар (шунинг учун ҳам Аллоҳ буюрган эзгу амалларни қилмайсизлар ва У зот қайтарган ёмон амаллардан қайтмайсизлар)!

﴿وَإِنَّ عَلَيْكُمْ لَحَافِظِينَ﴾

10. Ҳолбуки, шак-шубҳасиз, сизларнинг устингизда (қилган ҳар бир амалингизни) ёд олиб,

﴿كِرَامًا كَاتِبِينَ﴾

11. ёзиб тургувчи улуғ (фаришта)лар бордир.

﴿يَعْلَمُونَ مَا تَفْعَلُونَ﴾

12. Улар сизлар қилаётган ишларни билурлар.

﴿إِنَّ الْأَبْرَارَ لَفِي نَعِيمٍ﴾

13. Шак-шубҳасиз, яхшилар (яъни, мўминлар) жаннат неъматларидадирлар.

﴿وَإِنَّ الْفُجَّارَ لَفِي جَحِيمٍ﴾

14.
Шак-шубҳасиз, фисқ-фужур қилгувчи кимсалар (яъни, Қуръон ва пайғамбарни ёлғончи қилгувчи, жазо Куни ва қайта тирилишни инкор қилгувчи кимсалар) дўзахдадирлар!

﴿يَصْلَوْنَهَا يَوْمَ الدِّينِ﴾

15. Улар (дўзах)га жазо (Қиёмат) кунида кирурлар!

﴿وَمَا هُمْ عَنْهَا بِغَائِبِينَ﴾

16. Ва улар (дўзахдан) ғойиб бўлгувчи (яъни, халос бўлгувчи эмасдирлар!

﴿وَمَا أَدْرَاكَ مَا يَوْمُ الدِّينِ﴾

17. (Эй инсон), сен жазо Куни нима эканини қаердан ҳам билурсан?!

﴿ثُمَّ مَا أَدْرَاكَ مَا يَوْمُ الدِّينِ﴾

18. Сўнгра (яна такрор айтаманки), сен жазо Куни нима эканини қаердан ҳам билурсан?!

﴿يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ﴾

19.
У Кунда ҳеч бир жон (бошқа) бир жонга бирон нарса қилишга (яъни, бирон фойда етказишга ёки ундан бирон зиённи кетказишга) эга бўлмас! У Кунда барча иш ёлғиз Аллоҳники бўлур!

الإنفطار