تفسير سورة الإنفطار

ترجمة معاني القرآن الكريم باللغة البشتو ترجمها زكريا عبدالسلام، وراجعها مفتي عبدالولي خان عام الطبعة 1423هـ.

﴿بِسْمِ اللَّهِ الرَّحْمَٰنِ الرَّحِيمِ إِذَا السَّمَاءُ انْفَطَرَتْ﴾

82-1 كله چې اسمان وچوي

﴿وَإِذَا الْكَوَاكِبُ انْتَثَرَتْ﴾

82-2 او كله چې ستوري ګډوډ شي (او) راولوېږي

﴿وَإِذَا الْبِحَارُ فُجِّرَتْ﴾

82-3 او كله چې دریابونه یو ځاى روان كړى شي

﴿وَإِذَا الْقُبُورُ بُعْثِرَتْ﴾

82-4 او كله چې قبرونه لاندې باندې كړى شي

﴿عَلِمَتْ نَفْسٌ مَا قَدَّمَتْ وَأَخَّرَتْ﴾

82-5 هر نفس به په هغه څه پوه شي چې ده وړاندې لېږلي دي او وروسته يې پرېښې دي

﴿يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ﴾

82-6 اى (كافره) انسانه! ته په خپل كریم (او سخي) رب باندې څه شي دوكه كړى يې

﴿الَّذِي خَلَقَكَ فَسَوَّاكَ فَعَدَلَكَ﴾

82-7 هغه چې ته يې پیدا كړې، نو ته يې ښه برابر كړې

﴿فِي أَيِّ صُورَةٍ مَا شَاءَ رَكَّبَكَ﴾

82-8 په هر صورت (شكل) كې چې هغه غوښتل، ته يې پیوند (او جوړ) كړې

﴿كَلَّا بَلْ تُكَذِّبُونَ بِالدِّينِ﴾

82-9 داسې بېخي نه ده، بلكې تاسو د بدلې ورځ (قیامت) دروغ ګڼئ

﴿وَإِنَّ عَلَيْكُمْ لَحَافِظِينَ﴾

82-10 په داسې حال كې چې پر تاسو باندې ساتونكي (ملايك) مقرر دي

﴿كِرَامًا كَاتِبِينَ﴾

82-11 چې عزتمن لیكونكي دي

﴿يَعْلَمُونَ مَا تَفْعَلُونَ﴾

82-12 دوى په هغه څه پوهېږي چې تاسو يې كوئ

﴿إِنَّ الْأَبْرَارَ لَفِي نَعِيمٍ﴾

82-13 بېشكه نېكان (مومنان) به خامخا په نعمتونو كې وي

﴿وَإِنَّ الْفُجَّارَ لَفِي جَحِيمٍ﴾

82-14 او بېشكه چې بدكاران (كافران) به خامخا په جهنم كې وي

﴿يَصْلَوْنَهَا يَوْمَ الدِّينِ﴾

82-15 دوى به ده ته د بدلې په ورځ ننوځي

﴿وَمَا هُمْ عَنْهَا بِغَائِبِينَ﴾

82-16 او دوى به له دغه (دوزخ) نه له سره پټېدونكي نه وي

﴿وَمَا أَدْرَاكَ مَا يَوْمُ الدِّينِ﴾

82-17 او ته څه شي پوه كړې چې د بدلې ورځ (قیامت) څه شى دى؟

﴿ثُمَّ مَا أَدْرَاكَ مَا يَوْمُ الدِّينِ﴾

82-18 بیا ته څه شي پوه كړې چې د بدلې ورځ څه شى دى

﴿يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ﴾

82-19 (یاده كړه) هغه ورځ چې هېڅ یو نفس به د بل نفس لپاره د هېڅ شي اختیار ونه لري او په دغې ورځ كې به امر (حكم) خاص الله لره وي

الإنفطار