تفسير سورة البلد

ترجمة معاني القرآن الكريم باللغة البشتو ترجمها زكريا عبدالسلام، وراجعها مفتي عبدالولي خان عام الطبعة 1423هـ.

﴿بِسْمِ اللَّهِ الرَّحْمَٰنِ الرَّحِيمِ لَا أُقْسِمُ بِهَٰذَا الْبَلَدِ﴾

90-1 زه قسم خورم په دې ښار باندې

﴿وَأَنْتَ حِلٌّ بِهَٰذَا الْبَلَدِ﴾

90-2 په داسې حال كې چې ته په دې ښار كې اوسېدونكى يې

﴿وَوَالِدٍ وَمَا وَلَدَ﴾

90-3 او په زېږوونكي باندې او په هغه باندې چې ده زېږولي دي

﴿لَقَدْ خَلَقْنَا الْإِنْسَانَ فِي كَبَدٍ﴾

90-4 یقینًا یقینًا مونږ انسان په مشقت كې پیدا كړى دى

﴿أَيَحْسَبُ أَنْ لَنْ يَقْدِرَ عَلَيْهِ أَحَدٌ﴾

90-5 ایا دغه (كافر انسان) خیال كوي چې بېشكه شان دا دى چې په ده باندې به هیڅوك قادر نشي

﴿يَقُولُ أَهْلَكْتُ مَالًا لُبَدًا﴾

90-6 دى وايي: ما ډېر زیات مال خرڅ كړى (لګولى) دى

﴿أَيَحْسَبُ أَنْ لَمْ يَرَهُ أَحَدٌ﴾

90-7 ایا دى خیال كوي چې بېشكه دى هیچا نه دى لیدلى

﴿أَلَمْ نَجْعَلْ لَهُ عَيْنَيْنِ﴾

90-8 ایا مونږ ده ته دوه سترګې نه دي وركړي

﴿وَلِسَانًا وَشَفَتَيْنِ﴾

90-9 او یوه ژبه او دوه شونډي

﴿وَهَدَيْنَاهُ النَّجْدَيْنِ﴾

90-10 اومونږ ده ته دوه لارې ښودلي دي

﴿فَلَا اقْتَحَمَ الْعَقَبَةَ﴾

90-11 نو ده د غونډۍ په ختلو كې هېڅ تكلیف ونه وېست

﴿وَمَا أَدْرَاكَ مَا الْعَقَبَةُ﴾

90-12 او ته څه شي پوه كړې چې (ختل د) غونډۍ څه شى دى؟

﴿فَكُّ رَقَبَةٍ﴾

90-13 خلاصول د څټ (ازادول د مريي) دي

﴿أَوْ إِطْعَامٌ فِي يَوْمٍ ذِي مَسْغَبَةٍ﴾

90-14 او طعام وركول دي په داسې ورځ كې چې د لوږې والا ده

﴿يَتِيمًا ذَا مَقْرَبَةٍ﴾

90-15 یتیم ته چې د خپلوۍ خاوند وي

﴿أَوْ مِسْكِينًا ذَا مَتْرَبَةٍ﴾

90-16 یا مسكین ته چې په خاورو ككړ وي

﴿ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ﴾

90-17 بیا دغه له هغو كسانو ځنې وي چې ایمان يې راوړى وي او یو بل ته د صبر وصیت كوي او یو بل ته د مهربانۍ (او شفقت) كولو وصیت كوي

﴿أُولَٰئِكَ أَصْحَابُ الْمَيْمَنَةِ﴾

90-18 دغه كسان دښي اړخ والا دي

﴿وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ﴾

90-19 او هغه كسان چې زمونږ په ایتونو باندې كافران شوي دي دوى د چپ (ګس) اړخ والا دي

﴿عَلَيْهِمْ نَارٌ مُؤْصَدَةٌ﴾

90-20 په دوى باندې به سرپوښ كړى شوى اور وي

البلد