تفسير سورة القيامة

الترجمة اليورباوية

ترجمة معاني القرآن الكريم للغة اليوربا ترجمها الشيخ أبو رحيمة ميكائيل أيكوييني عام الطبعة 1432هـ .

﴿بِسْمِ اللَّهِ الرَّحْمَٰنِ الرَّحِيمِ لَا أُقْسِمُ بِيَوْمِ الْقِيَامَةِ﴾

Èmi (Allāhu) ń búra pẹ̀lú Ọjọ́ Àjíǹde.

﴿وَلَا أُقْسِمُ بِالنَّفْسِ اللَّوَّامَةِ﴾

Mo tún ń búra pẹ̀lú ẹ̀mí t’ó máa dára rẹ̀ lẹ́bi.

﴿أَيَحْسَبُ الْإِنْسَانُ أَلَّنْ نَجْمَعَ عِظَامَهُ﴾

Ṣé ènìyàn lérò pé A ò níí kó àwọn eegun rẹ̀ jọ ni?

﴿بَلَىٰ قَادِرِينَ عَلَىٰ أَنْ نُسَوِّيَ بَنَانَهُ﴾

Rárá o. A lágbára láti to eegun ọmọníka rẹ̀ dọ́gba.

﴿بَلْ يُرِيدُ الْإِنْسَانُ لِيَفْجُرَ أَمَامَهُ﴾

Ṣùgbọ́n ènìyàn gbèrò láti pe (Ọjọ́ Àjíǹde) t’ó ń bẹ níwájú rẹ̀ nírọ́.

﴿يَسْأَلُ أَيَّانَ يَوْمُ الْقِيَامَةِ﴾

Ó ń bèèrè pé: "Ìgbà wo ni Ọjọ́ Àjíǹde?"

﴿فَإِذَا بَرِقَ الْبَصَرُ﴾

Nígbà tí ojú bá kọ mọ̀nà,

﴿وَخَسَفَ الْقَمَرُ﴾

àti (nígbà) tí òṣùpá bá wọ̀ọ̀kùn,

﴿وَجُمِعَ الشَّمْسُ وَالْقَمَرُ﴾

àti (nígbà) tí A bá pa òòrùn àti òṣùpá pọ̀ mọ́ra wọn,

﴿يَقُولُ الْإِنْسَانُ يَوْمَئِذٍ أَيْنَ الْمَفَرُّ﴾

ènìyàn yóò wí ní ọjọ́ yẹn pé: "Níbo ni ibùsásí wà?"

﴿كَلَّا لَا وَزَرَ﴾

Rárá, kò sí ibùsásí.

﴿إِلَىٰ رَبِّكَ يَوْمَئِذٍ الْمُسْتَقَرُّ﴾

Ọ̀dọ̀ Olúwa rẹ ni ibùdúró ní ọjọ́ yẹn.

﴿يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ﴾

Wọ́n máa fún ènìyàn ní ìró ní ọjọ́ yẹn nípa ohun t’ó tì síwájú (nínú iṣẹ́ rẹ̀) àti ohun t’ó fi kẹ́yìn (nínú orípa iṣẹ́ rẹ̀).

﴿بَلِ الْإِنْسَانُ عَلَىٰ نَفْسِهِ بَصِيرَةٌ﴾

Ṣebí ènìyàn dá ara rẹ̀ mọ̀,

﴿وَلَوْ أَلْقَىٰ مَعَاذِيرَهُ﴾

ìbáà mú àwọn àwáwí rẹ̀ wá.

﴿لَا تُحَرِّكْ بِهِ لِسَانَكَ لِتَعْجَلَ بِهِ﴾

Má ṣe gbé ahọ́n rẹ sí ìmísí láti kánjú ké e.

﴿إِنَّ عَلَيْنَا جَمْعَهُ وَقُرْآنَهُ﴾

Dájúdájú Àwa l’A máa ṣe ìkójọ rẹ̀ (sínú ọkàn rẹ) àti kíké rẹ̀.

﴿فَإِذَا قَرَأْنَاهُ فَاتَّبِعْ قُرْآنَهُ﴾

Nígbà tí A bá ń ké e (fún ọ), kí o sì máa tẹ̀lé kíké rẹ̀.

﴿ثُمَّ إِنَّ عَلَيْنَا بَيَانَهُ﴾

Lẹ́yìn náà, dájúdájú Àwa l’A máa ṣe àlàyé rẹ̀ fún ọ.

﴿كَلَّا بَلْ تُحِبُّونَ الْعَاجِلَةَ﴾

Ẹ gbọ́! Ńṣe l’ẹ nífẹ̀ẹ́ ayé.

﴿وَتَذَرُونَ الْآخِرَةَ﴾

Ẹ sì ń pa ọ̀run tì.

﴿وُجُوهٌ يَوْمَئِذٍ نَاضِرَةٌ﴾

Àwọn ojú kan ní ọjọ́ yẹn yóò tutù (fún ìdùnnú).

﴿إِلَىٰ رَبِّهَا نَاظِرَةٌ﴾

Olúwa wọn ni wọn yóò máa wò.

﴿وَوُجُوهٌ يَوْمَئِذٍ بَاسِرَةٌ﴾

Àwọn ojú kan ní ọjọ́ yẹn sì máa bàjẹ́.

﴿تَظُنُّ أَنْ يُفْعَلَ بِهَا فَاقِرَةٌ﴾

(Ojú náà) yóò mọ̀ dájú pé Wọ́n máa fi aburú kan òhun.

﴿كَلَّا إِذَا بَلَغَتِ التَّرَاقِيَ﴾

Ẹ gbọ́! Nígbà tí ẹ̀mí bá dé gògòńgò.

﴿وَقِيلَ مَنْ ۜ رَاقٍ﴾

A sì máa sọ pé: "Ǹjẹ́ ọlọ́fọ̀ pípè kan wà bí (tí ó máa gbà á sílẹ̀ lọ́wọ́ ikú)?

﴿وَظَنَّ أَنَّهُ الْفِرَاقُ﴾

Ó sì máa dá a lójú pé dájúdájú ìpínyà ayé ti dé.

﴿وَالْتَفَّتِ السَّاقُ بِالسَّاقِ﴾

Ojúgun yó sì lọ́mọ́ ojúgun.

﴿إِلَىٰ رَبِّكَ يَوْمَئِذٍ الْمَسَاقُ﴾

Ọ̀dọ̀ Olúwa rẹ sì ni wíwa ẹ̀dá lọ ní ọjọ́ yẹn.

﴿فَلَا صَدَّقَ وَلَا صَلَّىٰ﴾

Kò kúkú gba òdodo gbọ́, kò sì kírun.

﴿وَلَٰكِنْ كَذَّبَ وَتَوَلَّىٰ﴾

Ṣùgbọ́n ó pe òdodo nírọ́. Ó sì kẹ̀yìn sí i.

﴿ثُمَّ ذَهَبَ إِلَىٰ أَهْلِهِ يَتَمَطَّىٰ﴾

Lẹ́yìn náà, ó lọ sí ọ̀dọ̀ àwọn ènìyàn rẹ̀, ó sì ń ṣe fáàrí.

﴿أَوْلَىٰ لَكَ فَأَوْلَىٰ﴾

Ègbé ni fún ọ, ègbé ni sẹ́.

﴿ثُمَّ أَوْلَىٰ لَكَ فَأَوْلَىٰ﴾

Lẹ́yìn náà, ègbé ni fún ọ, ègbé sì sẹ́.

﴿أَيَحْسَبُ الْإِنْسَانُ أَنْ يُتْرَكَ سُدًى﴾

Ṣé ènìyàn lérò pé A máa fi òun sílẹ̀ lásán ni?

﴿أَلَمْ يَكُ نُطْفَةً مِنْ مَنِيٍّ يُمْنَىٰ﴾

Ṣé kò ti jẹ́ àtọ̀ mọnī tí wọ́n dà jáde sínú àpòlùkẹ́ ni?

﴿ثُمَّ كَانَ عَلَقَةً فَخَلَقَ فَسَوَّىٰ﴾

Lẹ́yìn náà, ó di ẹ̀jẹ̀ dídì. (Allāhu) sì ṣẹ̀dá (rẹ̀). Ó sì ṣe é t’ó dọ́gba jálẹ̀ léèyàn.

﴿فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ﴾

(Allāhu) sì ṣe ìran méjì jáde láti inú rẹ̀, akọ àti abo.

﴿أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ﴾

Ǹjẹ́ Ẹni tí Ó ṣe ìyẹn kò níí ní agbára láti jí àwọn òkú dìde bí?

القيامة