تفسير سورة القيامة

الترجمة البشتوية

ترجمة معاني القرآن الكريم باللغة البشتو ترجمها زكريا عبدالسلام، وراجعها مفتي عبدالولي خان عام الطبعة 1423هـ.

﴿بِسْمِ اللَّهِ الرَّحْمَٰنِ الرَّحِيمِ لَا أُقْسِمُ بِيَوْمِ الْقِيَامَةِ﴾

75-1 زه د قیامت په ورځې باندې قسم خورم

﴿وَلَا أُقْسِمُ بِالنَّفْسِ اللَّوَّامَةِ﴾

75-2 او زه په ډېر ملامت كوونكي نفس باندې قسم خورم

﴿أَيَحْسَبُ الْإِنْسَانُ أَلَّنْ نَجْمَعَ عِظَامَهُ﴾

75-3 ایا (كافر) انسان دا ګمان كوي چې مونږ به د ده هډوكي له سره راجمع نه كړو

﴿بَلَىٰ قَادِرِينَ عَلَىٰ أَنْ نُسَوِّيَ بَنَانَهُ﴾

75-4 ولې نه! (جمع به يې كړو)، په داسې حال كې چې مونږ په دې قادر یو چې د ده (هډوكي او) د ګوتو بندونه (هم) برابر كړو

﴿بَلْ يُرِيدُ الْإِنْسَانُ لِيَفْجُرَ أَمَامَهُ﴾

75-5 بلكې (كافر) انسان اراده لري چې په خپله مخه (راتلونكې زمانه) كې هم نافرماني وكړي

﴿يَسْأَلُ أَيَّانَ يَوْمُ الْقِيَامَةِ﴾

75-6 دى تپوس كوي چې د قیامت ورځ به كله وي؟

﴿فَإِذَا بَرِقَ الْبَصَرُ﴾

75-7 نو كله چې سترګې خړې (سپینې) شي

﴿وَخَسَفَ الْقَمَرُ﴾

75-8 او سپوږمۍ توره (بې رڼا) شي

﴿وَجُمِعَ الشَّمْسُ وَالْقَمَرُ﴾

75-9 او لمر او سپوږمۍ سره جمع كړى شي

﴿يَقُولُ الْإِنْسَانُ يَوْمَئِذٍ أَيْنَ الْمَفَرُّ﴾

75-10 نو (كافر) انسان به په دغه وخت كې وايي: د تېښتې ځاى چېرته دى؟

﴿كَلَّا لَا وَزَرَ﴾

75-11 هیڅكله داسې نه ده، هېڅ پناه ځاى نشته

﴿إِلَىٰ رَبِّكَ يَوْمَئِذٍ الْمُسْتَقَرُّ﴾

75-12 په دغې ورځ كې ځاى د قرار ستا د رب په طرف دى

﴿يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ﴾

75-13 په دغې ورځ كې به انسان په هغه څه خبر كړى شي چې ده مخكې لېږلي دي او وروسته يې پرېښي دي

﴿بَلِ الْإِنْسَانُ عَلَىٰ نَفْسِهِ بَصِيرَةٌ﴾

75-14 بلكې انسان په خپل ځان باندې ښه دلیل دى

﴿وَلَوْ أَلْقَىٰ مَعَاذِيرَهُ﴾

75-15 اګر كه دى خپل عذرونه وړاندې كړي

﴿لَا تُحَرِّكْ بِهِ لِسَانَكَ لِتَعْجَلَ بِهِ﴾

75-16 (اى نبي!) ته خپله ژبه په دې (قرآن) سره مه خوځوه، د دې لپاره چې ته دا په تُندۍ سره حاصل كړې

﴿إِنَّ عَلَيْنَا جَمْعَهُ وَقُرْآنَهُ﴾

75-17 بېشكه پر مونږ باندې د ده جمع كول او د ده لوستل دي

﴿فَإِذَا قَرَأْنَاهُ فَاتَّبِعْ قُرْآنَهُ﴾

75-18 نو كله چې مونږ دى ولولو، نو ته د ده د لوستلو پیروي كوه

﴿ثُمَّ إِنَّ عَلَيْنَا بَيَانَهُ﴾

75-19 بیا یقینًا زمونږ په ذمه د ده بیانول دي

﴿كَلَّا بَلْ تُحِبُّونَ الْعَاجِلَةَ﴾

75-20 هیڅكله داسې نه ده بلكې تاسو تادي كوونكې (زر تېرېدونكې فاني كېدونكې دنیا) خوښوئ

﴿وَتَذَرُونَ الْآخِرَةَ﴾

75-21 او تاسو اخرت پرېږدئ

﴿وُجُوهٌ يَوْمَئِذٍ نَاضِرَةٌ﴾

75-22 په دغې ورځ كې به څه مخونه تازه روښانه وي

﴿إِلَىٰ رَبِّهَا نَاظِرَةٌ﴾

75-23 خپل رب ته به كتونكي وي

﴿وَوُجُوهٌ يَوْمَئِذٍ بَاسِرَةٌ﴾

75-24 او په دغې ورځ كې به څه مخونه سخت تریو (او سپېره) وي

﴿تَظُنُّ أَنْ يُفْعَلَ بِهَا فَاقِرَةٌ﴾

75-25 یقین به كوي چې له دوى سره به مَلا ماتوونكى عمل وشي

﴿كَلَّا إِذَا بَلَغَتِ التَّرَاقِيَ﴾

75-26 داسې نه ده كله چې ساه د ستوني هډوكي ته ورسېږي

﴿وَقِيلَ مَنْ ۜ رَاقٍ﴾

75-27 او وبه ویل شي: څوك دى دم كوونكى؟

﴿وَظَنَّ أَنَّهُ الْفِرَاقُ﴾

75-28 او دى به یقین وكړي چې بېشكه دغه (وخت د) بېلتون دى

﴿وَالْتَفَّتِ السَّاقُ بِالسَّاقِ﴾

75-29 او یوه پنډۍ به له بلې پنډۍ تاوېږي

﴿إِلَىٰ رَبِّكَ يَوْمَئِذٍ الْمَسَاقُ﴾

75-30 ستا د رب په لوري به دغې ورځ كې ورتله دي

﴿فَلَا صَدَّقَ وَلَا صَلَّىٰ﴾

75-31 پس ده نه تصدیق وكړ او نه يې لمونځ وكړ

﴿وَلَٰكِنْ كَذَّبَ وَتَوَلَّىٰ﴾

75-32 او لېكن دروغ يې وګاڼه (قرآن) او مخ يې وګرځاوه

﴿ثُمَّ ذَهَبَ إِلَىٰ أَهْلِهِ يَتَمَطَّىٰ﴾

75-33 بیا خپل اهل ته لاړ، په داسې حال كې چې تكبر يې كاوه

﴿أَوْلَىٰ لَكَ فَأَوْلَىٰ﴾

75-34 تا ته دې هلاكت (او افسوس) وي، پس هلاكت دې وي

﴿ثُمَّ أَوْلَىٰ لَكَ فَأَوْلَىٰ﴾

75-35 بیا دې تا لپاره هلاكت وي، نو هلاكت دې وي

﴿أَيَحْسَبُ الْإِنْسَانُ أَنْ يُتْرَكَ سُدًى﴾

75-36 ایا(كافر) انسان ګمان كوي چې دى به مهمل (او بې كاره) پرېښودل شي

﴿أَلَمْ يَكُ نُطْفَةً مِنْ مَنِيٍّ يُمْنَىٰ﴾

75-37 ایا دغه (انسان) د هغې منۍ یو څاڅكى نه و چې تویولى شي

﴿ثُمَّ كَانَ عَلَقَةً فَخَلَقَ فَسَوَّىٰ﴾

75-38 بیا دى د وینې یوه ټوټه وه، نو دغه (الله دى) پیدا كړ، پس برابر يې كړ

﴿فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ﴾

75-39 نو له دغې (منۍ) نه يې دوه قسمه پیدا كړل (یعنې) سړى او ښځه

﴿أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ﴾

75-40 ایا دغه (الله) په دې قادر نه دى چې مړي راژوندي كړي؟

القيامة