سجود السهو والتلاوة والشكر
عبداللہ بن جعفر رضی اللہ عنہما کہتے ہیں کہ رسول اللہ صلی اللہ علیہ و سلم نے فرمایا: ’’جس شخص کو اپنی نماز میں شک ہوجائے تو وہ سلام پھیرنے کے بعد دو سجدے کرلے۔‘‘
عن عبد الله بن جعفر-رضي الله عنهما-، أن رسول الله -صلى الله عليه وسلم- قال: «من شك في صلاته فليسجد سجدتين بعدما يسلم».
شرح الحديث :
حدیث میں اس بات کا بیان ہے کہ جس شخص کو نماز میں زیادتی یا کمی کا شک ہو جائے اس پر واجب ہے کہ وہ دو سجدے سلام پھیرنے کے بعد کرے۔ یہ حدیث ضعیف ہے البتہ جو صحیح ہے وہ یہ کہ جب شک ہو جائے اور وہ ظن غالب پر عمل کرے تو وہ ایسی صورت میں سلام پھیرنے کے بعد سجدہ سہو کرے گا اور جب کمی کی صورت میں سلام پھیرے اور پھر یاد آئے اور نماز پوری کرے تو اس صورت میں بھی سلام پھیرنے کے بعد سجدۂ سہو کرے گا اور جو ان دونوں صورتوں کے علاوہ ہو اس میں سلام پھیرنے سے قبل سجدۂ سہو کرے گا۔